- अर्थ सरोकार सम्बाददाता
काठमाडौं । निलकण्ठ सव–डिभिजन वन कार्यालय धादिङका सहायक वन अधिकृत ४० हजार घुससहित पक्राउ परेका छन् । अख्तियार दुरुपयोग अनुसन्धान आयोगको टोलीले फर्निचर उद्योगसँग घुस मागिरहेको अवस्थामा सहायक वन अधिकृत कृष्णप्रसाद पौडेललाई पक्राउ गरेको हो ।
आयोगका अनुसार सेवाग्राहीले फर्निचर उद्योगमा चिरानको लागि ल्याएको काठको सम्बन्धमा अनुसन्धान गर्ने भन्दै कागजात तयार गरी वन कार्यालयमा लगेपछि मुद्दा मिलाउने भन्दै पौडेलले ४० हजार रुपैयाँ माग गरेका थिए । घुस मागेको भन्ने सूचनाका आधारमा अख्तियारको टंगालबाट खटिएको टोलीले पौडेललाई घुस लिँदै गर्दा पक्राउ गरेको हो ।
