काठमाडौं । नेपाल राष्ट्र बैंकले विकास ऋणपत्र बिक्री गर्ने भएको छ । राष्ट्र बैंकले १० अर्ब रुपैयाँ बराबरको ६ वर्ष अवधिको ‘विकास ऋणपत्र २०८४ (च)’ नामको ऋणपत्र बिक्री गर्न लागेको हो । सो विकास ऋणपत्रको ब्याजदर बोलकबोलमार्फत् मंगलबार अपराह्न ३ बजे हुनेछ । ब्याजदर भुक्तानी भने अर्ध बार्षिक रुपमा हुने र आर्जित ब्याजदरमा ब्याजकर लाग्ने बाताइएको छ ।

उक्त ऋणपत्र बैंक तथा वित्तीय संस्था,गैर/बैंक वित्तीय संस्था, बीमा कम्पनी,संगठित संस्था तथा नेपाली नागरिकले खरिद गर्न सक्नेछन् । खरिदकर्ताले राष्ट्र बैंकको राष्ट्र ऋण व्यवस्थापन विभागमा आवेदन दिनुपर्नेछ । उक्त ऋणपत्र धितो राखी कर्जा लिन/दिन पाइनेछ । राष्ट्र बैंकले सरकारका निम्ति आन्तरिक ऋण उठाइदिने क्रममा विकास ऋणपत्र जारी गरेको हो ।