- अर्थ सरोकार सम्बाददाता
काठमाडौं । विश्वव्यापी रूपमा फैलिरहेको कोभिड-१९ को संक्रमण तथा नेपालको अधिकांश जिल्लाहरूमा जारी निषेधाज्ञाको कारण बीमितहरुले बीमाशुल्क किस्ता समयमा तिर्न सकेका छैनन् । कतिपयले सार्वजनिक आवागमन बन्द भएको, बैंक शाखाहरू संचालन नभएको तथा समयमा किस्ता तिर्ने रकमको व्यवस्था हुन नसकेको कारण तिर्न असमर्थ हुँदै आइरहेका थिए ।
आम बीमितहरुको यहि समस्यालाई विचार गरी राहत स्वरूप ज्येष्ठ २७ गतेबाट लागू हुने गरी बीमा शुल्क तिर्दा लाग्ने बिलम्व शुल्कमा छुट दिने व्यवस्था गरिएको छ । २०७८ आषाढ मसान्तभित्र बीमाशुल्क किस्ता तिर्ने बीमितले उक्त छुट पाउनेछन् । व्यतित बीमालेख अवधिमा ३ महिनाका लागि शत प्रतिशत छुट पाइनेछ भने ३ महिनादेखि ६ महिनाका लागि ७५ प्रतिशत पाइनेछ । यस्तै ६ महिनाभन्दा माथिका लागि ५० प्रतिशत छुट दिने कम्पनीले जनाएको छ ।
