• अर्थ सरोकार सम्बाददाता

काठमाडौं । मंगलबार सेयर बजार ७९ अंकको बढीको उछाल आएको छ । गत मंगलबार धितोपत्र बोर्डले जोखिमयुक्त ५१ कम्पनीको सूची सार्वजनिक गरेपछि निरन्तर घटिरहेको बजारले आज गति लिएसंगै ७८ अंकको बढीको उछाल आएको हो । आज बजार ७९.४४ अंकले बढेर २९१३.८४ विन्दुमा बन्द भएको छ ।

आज बोर्डले जोखिमयुक्त घोषणा गरेका ३३ कम्पनीको सेयर मूल्यमा उच्च वृद्धि भएको छ । ३३ मध्ये ५ कम्पनीको भाउ १०% ले वृद्धि भएको छ । बाँकी कम्पनीको ९% भन्दा माथि सेयर भाउ बढेको छ । जलविद्युत लगानी तथा विकास कम्पनीको सेयर भाउ १०% ले बढेको छ । 

अन्य जोखिमयुक्त सूचीमा रहेका अन्य १३ कम्पनीको भाउ पनि ९% भन्दा धेरै बढेको छ । वरुण हाइड्रोपावर, राधी विद्युत, युनियन हाइड्रोपावर, लिबर्टी इनर्जी र दिव्यश्वरी हाइड्रोपावर, समृद्धि फाइनान्स, हिमालयन उर्जा, सिनर्जी पावर, छ्याङ्दी, आँखुखोला जलविद्युत, माउन्टेन र नेसनल हाइड्रोपावरको भाउ ९% भन्दा धेरै बढेका छन् ।