• अर्थ सरोकार सम्बाददाता

उदयपुर । नबिल बैंकको एटिएम तोडफोड गरिरहेको अवस्थामा एक जना पक्राउ परेका छन् । उदयपुरको त्रियुगा नगरपालिका–११ स्थित बैंकको एटिएम मेसिन तोडफोड गरिरहेको अवस्थामा प्रहरीले त्रियुगा नगरपालिका–३ बस्ने भारत मधुवनी ग्राम पञ्चायत लौकाहा घर भएका १८ वर्षीय किशोरलाई सोमबार राती पक्राउ गरेको हो ।

अपरिचित व्यक्तिहरुले तोडफोड गरिरहेको भन्ने खबर प्राप्त भएपछि जिल्ला प्रहरी कार्यालय उदयपुरबाट खटिएको टोलीले एटिएम मेसिन तोडफोडमा संलग्नलाई नियन्त्रणमा लिएको हो । तोडफोडमा संलग्न फरार अन्य व्यक्तिहरुको खोजी भइरहेको छ ।