• अर्थ सरोकार सम्बाददाता

काठमाडौँ । साताको कारोबारको पहिलो दिन आइतबार सेयर बजारमा पहिरो गएको छ । बजार ६३.२८ अंकले घटेर २९०५.१४ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २३१ कम्पनीको २ करोड ७३ लाख ४४ हजार ५११ कित्ता सेयर खरिद बिक्री हुँदा ११ अर्ब ८१ करोडमाथिको कारोबार भएको छ । लगानीकर्ताले घाटामै सेयर बेच्न थालेपछि बजारमा ठुलो प्यानिक सेल आएको हो ।

धितोपत्र बोर्डले गत मंगलबार ५१ कम्पनीको लगानी जोखिमयुक्त भन्दै विज्ञप्ति सार्वजनिक गरेपछि बजार निरन्तर घटिरहेको छ । घटेको बजारमा आज पनि सबैभन्दा बढी नेपाल पुनर्बीमा कम्पनीको भएको छ । यस कम्पनीको ८० करोडमाथिको कारोबार भएको छ । आज सबै समूह घटेका छन् । यस्तै आज सबैभन्दा कुमारी बैंकको प्रमोटर सेयरका लगानीकर्ताले कमाएका छन् भने युनियन हाइड्रोपावरका लगानीकर्ताले सबैभन्दा धेरै गुमाएका छन् ।