- अर्थ सरोकार सम्बाददाता
काठमाडौँ । साताको कारोबार अन्तिम दिन बिहिबार पनि नेप्सेमा गिरावट आएको छ । नेप्से परिसूचक १६.९६ अंकले घटेर २८४३.०० विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २१९ कम्पनीको १ करोड ३२ लाख १० हजार ३६९ कित्ता सेयर खरिद बिक्री हुँदा ७ अर्बमाथिको कारोबार भएको छ ।
आज पनि सबैभन्दा बढी नेपाल पुनर्बीमा कम्पनीको भएको छ । यस कम्पनीको ३७ करोड ७६ लाखमाथिको कारोबार भएको छ । आज २ समूहबाहेकका अन्य सबै समूह घटेका छन् । यस्तै आज सबैभन्दा अपर तामाकोशीका लगानीकर्ताले कमाएका छन् भने छिमेक लघुवित्त वित्तीय संस्थाको प्रमोटर सेयरका लगानीकर्ताले सबैभन्दा धेरै गुमाएका छन् ।
