- अर्थ सरोकार सम्बाददाता
काठमाडौँ । साताको कारोबारको अन्तिम दिन बिहिबार नेप्सेमा नयाँ रेकर्ड कायम भएको छ । बुधबारको तुलनामा बजार २९.५५ अंकले बढेर २८५६.६७ विन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २१८ कम्पनीको ३ करोड ४६ लाख ९१ हजार ३१२ कित्ता सेयर खरिद बिक्री हुँदा १६ अर्ब ९० करोडको कारोबार भएको छ । बजार २९.५५ अंकले बढ्दा नेप्से हालसम्मकै उच्च बिन्दुमा पुगेको हो ।
आज पनि सबैभन्दा बढी कारोबार नेपाल पुनर्बिमाको भएको छ । यस कम्पनीको कुल १ अर्बमाथिको कारोबार भएको छ । आज कारोबार भएका समूहमध्ये ४ वटा समूहबाहेक अन्य सबै समूह बढेका छन् । यस्तै आज सबैभन्दा धेरै मन्जुश्री फाइनान्सका लगानीकर्ताले कमाएका छन् भने पन्चकन्या माई हाइड्रोपावरका लगानीकर्ताले सबैभन्दा धेरै गुमाएका छन् ।
