• अर्थ सरोकार सम्बाददाता 

काठमाडौं । काठमाडौं उपत्यकाभित्र रहेका विभिन्न सात वटा सहकारीमा चोरी गर्ने एक जना पक्राउ परेका छन् । प्रहरीले उक्त आरोपमा नुवाकोट जिल्ला बेल्कोटगढी नगरपालिका घर भई हाल काठमाडौँ जोरपाटी बस्ने २२ बर्षीय दिपक गजुरेललाई पक्राउ गरेको हो ।

महानगरीय प्रहरी परिसर काठमाडौँ र वृत्त सिंहदरवारको टोलीले गजुरेललाई गौशलाबाट शनिबार पक्राउ गरेको हो । यस्तै उनले सात वटा सहकारीबाट करिब ४४ लाख रुपैयाँ चोरी गरेका थिए । साथै उनको साथबाट प्रहरीले सिसा काट्ने मेसिन थान १ , मास्टर चावी थान १ , चोरी गर्न प्रयोग भएका विभिन्न कपडाहरु र विभिन्न बैकको खातामा नगद जम्मा गरेको रसिदहरु बरामद भएको छ ।