- अर्थ सरोकार सम्बाददाता
काठमाडौं । सानिमा लाइफ इन्स्योरेन्सको आइपीओ ल्याउने प्रस्तावसहित जेठ २३ गते तेस्रो वार्षिक साधारणसभा बोलाएको छ । कम्पनीले सभा प्रधान कार्यालय कमलादीमा बिहान ११ बजे बोलाएको हो । सभामा आइपीओ जारी गर्ने विशेष प्रस्ताव पेश हुनेछ भने आर्थिक वर्ष २०७५/७६ को वार्षिक प्रतिवेदन पारित गर्ने र सोही आर्थिक वर्षको वासलात, नाफा–नोक्सान तथा नगद प्रवाहमाथि छलफल हुनेछ ।
यस्तै आर्थिक वर्ष २०७६/७७ को लागि लेखापरीक्षक नियुक्त गरी पारिश्रमिक निर्धारण गर्ने लगायतका एजेन्डा पनि राखिएको छ । कम्पनीको आइपीओलाई केयर रेटिङ नेपालले “केयर एनपी बीबीबी” माइनस अर्थात ट्रिपल बी माइनस रेटिङ दिएको छ । यसले कम्पनीको आधारभूत अवस्था मध्यम रहेको संकेत गर्दछ ।
