- अर्थ सरोकार सम्बाददाता
काठमाडौँ । समयमा वित्तीय विवरण प्रकाशित नगर्ने हाइड्रोपावर कम्पनीहरुको कारोबार रोक्का गर्न नेपाल धितोपत्र बोर्डले निर्देशन दिएको छ । बोर्डले वित्तीय विवरण सार्वजनिक नगर्ने खानीखोला हाइड्रो पावर कम्पनी, जोशी हाइड्रो पावर, हिमाल दोलखा हाइड्रोपावरलगायतका कम्पनी कारोबार रोक्का गर्न नेप्सेलाई निर्देशन दिएको हो ।
हिजो मंगलबार सेयर लगानीकर्ता अर्थात् सेयर ‘काका’का रुपमा परिचित केशव कोइरालाले दिएको निवेदनपछि सेबोनले यस्तो कदम चालेको हो । कोइरालाले सेबोन, नेप्से, नेपाल विधुत नियमन आयोगमा पुगेर वित्तीय विवरण सार्वजनिक नगर्ने कम्पनीहरुलाई कारवाहीको माग राखेका थिए ।
बोर्डका अध्यक्ष भीष्मराज ढुंगानाले काकाको उजुरीपछि आज नेप्सेलाई यस अघि दिईएको निर्देशन कडाईका साथ पालना गर्न निर्देशन दिईएको बताएका छन् । बोर्डले यसअघि नै सुचिकृत कम्पनीलाई वार्षिक प्रतिवेदन, त्रैमासिक प्रतिवेदन , प्रमुख वित्तीय सूचकहरु , पछिल्लो ५ वर्षको वित्तीय जानकारी, कम्पनी सम्बन्धि तथ्याङक लगायतका जानकारी वेवसाइटमा राख्न निर्देशन दिएको थियो ।
वित्तीय विवरण सार्वजनिक नगरेर लगानीकर्ताको आखामा छारो हाल्ने कम्पनीहरुलाई लगानीकर्ताहरुले ‘डाका’ कम्पनीको संज्ञा दिँदै आएका छन् ।
हेर्नुहोस् विभिन्न निकायमा दिनुभएको उजुरीको विशेष कभरेजसहितको अर्थसरोकार टेलिभिजन कार्यक्रम :
