- अर्थ सरोकार सम्बाददाता
काठमाडौं । सांग्रिला डेभलपमेन्ट बैंकको एटिएम मेसिन फोड्ने युवक पक्राउ परेका छन् । काठमाडौं महानगरपालिका-५, भाटभटेनी चोकस्थित रहेको बैंकको एटिएम मेसिन तोडफोड गरिरहेको अवस्थामा एक युवक पक्राउ परेका हुन् । पक्राउ पर्ने युवक डडेलधुराको सेतीबेशी गाउँपालिका-४ घर भएका २१ वर्षीय दिनेश क्षेत्री हुन्।
गए राति बैंकको एटिएम मेसिन तोडफोड गर्दै गरेको अवस्थामा महानगरीय प्रहरी वृत्त मालिगाउँबाट खटिएको प्रहरीले उनलाई चोरी गर्न प्रयोग हुने हतियारसहित पक्राउ गरेको हो ।
