- अर्थ सरोकार सम्बाददाता
काठमाडौं । हाम्रो पात्रोको प्रबन्ध निर्देशकमा सुदिना गौतम नियुक्त भएकी छन् । प्रशासन विभाग प्रमुखको जिम्मेवारीमा रहेकी गौतमलाई कम्पनीको प्रबन्ध निर्देशकमा पदोन्नति गरिएको हो । हाम्रो पात्रोका लागि व्यवस्थापक तथा सम्पादक सुदिना गौतम नेपालस्थित एकमात्र आधिकारीक प्रतिनिधि एवम् सम्पर्क व्यक्ति रहेको हाम्रो पात्रोले जनाएको छ ।
‘हाम्रा आधिकारीक सम्पर्क व्यक्तिबाट नै कार्यालयका सम्पूर्ण कामहरु हुने र त्यसैअनुसार सम्पर्क गरिदिनुहुन अनुरोध गर्दछौं,’ हाम्रो पात्रोद्वारा जारी विज्ञप्तिमा भनिएको छ, ‘हामीसँग आवद्ध समग्र साझेदार सञ्चार माध्यमहरुलाई हाम्रो पात्रोसँगको सम्झौता पुनः नवीकरणका लागि सम्पर्क गरिदिनुहुन समेत अनुरोध छ ।’
हाम्रो पात्रो एपलाई अझ बढी परिस्कृत, गतिशील र प्रयोगकर्ताका लागि रुचिकर फिचरहरु थप गर्दै लगिने प्रतिवद्धता जनाइएको छ ।
