• अर्थ सरोकार सम्बाददाता

काठमाडौं । स्वावलम्बन लघुवित्त वित्तीय संस्थाले संस्थापक समूहको १ लाख ९० हजार ६५० कित्ता सेयर बिक्री खुला गरेको छ । कम्पनीले प्रतिकित्ता न्यूनतम मूल्य ७५१ रुपैयाँमा आज सोमबारदेखि १ लाख ९० हजार ६५० कित्ता संस्थापक समूहको सेयर बिक्री खुला गरेको हो ।

न्यूनतम मूल्य आधार मानेर सो वा सोभन्दा बढी मूल्य अंकित गरी बोलपत्र पेश गर्नुपर्नेछ । कम्पनीको सो सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् भने न्यूनतम १ हजार कित्तादेखि अधिकतम सबै कित्ताका लागि आवेदन दिन सकिनेछ ।

लगानीकर्ताले असार २७ गतेभित्र बिक्री प्रबन्धक एनआइबीएल एस क्यापिटल लाजिम्पाटमा पुग्नेगरी आवेदन दिनुपर्नेछ ।