• अर्थ सरोकार सम्बाददाता

काठमाडौं । साताको कारोबारको तेस्रो दिन मंगलबार दश कम्पनीको सर्वाधिक सेयर कारोबार भएको छ । सबैभन्दा धरै नेपाल पुनर्बिमा कम्पनीको सेयर कारोबार भएको हो । यस कम्पनीको १ अर्ब ४९ करोड २४ लाख ३५ हजार ५ सय ६९ रुपैयाँको सेयर कारोबार भएको हो ।

त्यसैगरी हाईड्रोइलेक्ट्रिसिटि इन्भष्टमेन्ट एण्ड डेभलपमेन्ट कम्पनी, नेशनल हाइड्रोपावर कम्पनी, निफ्रा, लुम्बिनी विकास बैंक, नेपाल इन्स्योरेन्स कम्पनी, ज्योती विकास बैंक, हिमालयन डिस्टिलरी, एनआईसी एशिया बैंक र मेगा बैंकको सर्वाधिक सेयर कारोबार भएको हो ।

आज सेयर बजार ७८ दशमलव ७० अंकले बढेर २९ सय १३ दशमलव १० विन्दुमा पुगेको छ । नेप्सेका अनुसार आज कुल १ करोड ९७ लाख ७० हजार ६ सय ३८ कित्ता सेयर खरिद बिक्री हुँदा १० अर्ब २८ करोड ६२ लाख ६९ हजार ९ सय ५७ रुपैयाँ बराबरको सेयर कारोबार भएको छ ।