- अर्थ सरोकार सम्बाददाता
तनहुँ । यूनियन लाइफ इन्स्योरेन्स कम्पनी दुलेगौंडा शाखाले मृतकको परिवारलाई मृत्यु दाबी भुक्तानी गरेको छ । एक कार्यक्रमकाबीच कम्पनीले मृतकको परिवारलाइ ५ लाख १८ हजार रुपैयाँ दाबी भुक्तानी गरेको हो । कम्पनीका दुलेगौंडा शाखा प्रमुख ओमकार नागिला, शुक्लागण्डकी न. पा वडा नं ८ का वडा सदस्य रोम बहादुर सिहं वडा सचिव शेषमणी त्रिपाठी, एजेन्सी म्याजेजर अनिल थापा, क्षेत्र बहादुर थापा, इन्द्र पौडेल लगायतको टिमले स्वर्गीय बीमित लेख बहादुर मल्लका हकवाला शुक्लागण्डकी ८ तनहुँ निवासी निजको श्रीमती शुमित्रा मल्ल लाई लाई सो रकमको चेक हस्तान्तरण गरेका हुन् ।
२०७६ साल मंसिरमा निज लेख बहादुर मल्लले ५ लाख बराबरको जीवन बीमा गरेका थिए । उनले ५ लाखको बिमा गर्दा प्रथम बीमा शुल्क बापत मात्र ३२ हजार रुपैया मात्र कम्पनीमा जम्मा गरेका थिए । ५ लाखको बीमा गरेका निज मल्लको गत चैत्र महिनामा निजको असमाहिक निधन भएको थियो । चेक हस्तान्तरण कार्यक्रममा कार्यक्रमका बक्ताहरुले आजको दिनमा जीवन बीमा अनिवार्य रहेकोले सबै जनाले आफ्नो आर्थिकस्थित अनुसार केही रकम बीमाको लागि छुट्टाउनुपर्नेमा जोड दिए ।
