- अर्थ सरोकार सम्बाददाता
काठमाडौं । यूनियन लाइफ इन्स्योरेन्स कम्पनीले मृत्यु बीमा दाबी भुक्तानी गरेको छ । कम्पनीको टीकापुर शाखाले एक कार्यक्रम आयोजना गर्दै मृतककको परिवारलाई ४२ लाख १२ हजार रुपैयाँ मृत्यु दाबी भुक्तानी गरेको हो ।
कम्पनीका ७ नं. प्रदेश प्रमुख चन्द्र बहादुर बोहरा, उप-प्रदेश प्रमुख दोबन बहादुर रावल, शाखा प्रमुख अमित चौधरी र एजेन्सी म्यानेजर प्रेम बहादुर थ्याइतले गेरुवा गाउँपालिका वडा नं. ३, शान्तिबजार बर्दियामा गई बिमितको हकवाला श्रीमती ममता कुमारी खत्री सोडारीलाई उक्त रकम बराबरको चेक हस्तान्तरण गरेका हुन् ।
बिमितले २०७५ असार ३१ मा २० लाख रुपैयाँको बार्षिक अग्रिम भुक्तानी जीवन बिमा बीमालेख लिएको थियो । बिमितको गत चैत्र २ गते मोटरसाइकल दुर्घटनामा परि निधन भएको थियो ।
