• अर्थ सरोकार सम्बाददाता

काठमाडौं । यूनियन लाइफ इन्स्योरेन्सले मृत्यु बीमा दाबी भुक्तानी गरेको छ । कम्पनीको आवुखैरेनी शाखाले बिहिबार एक कार्यक्रमकाबीच मृतकको परिवारलाई २० लाख ५६ हजार रुपैयाँ मृत्यु बीमा दाबी भुक्तानी गरेको हो।

कम्पनीका गण्डकी प्रदेश प्रमुख टुल्कनाथ आचार्य, आवुखैरेनी गाउँपालिका वडा-३ का वडा सदस्य दिनेश के.सी र आवुखैरेनी शाखाका प्रमुख सविता भटटराईले स्वार्गिय विमित आवुखैरेनी गाउँपालिका वडा-३ का गंगा सिं तामाङ्गका हकवला छोरा पिटर तामाङ्गलाई उक्त रकम प्रदान गरेका हुन् ।

गत माघमा निज गंगा सिं तामाङ्गले २० लाख रुपैयाँको जीवन बीमा गरेका थिए । उनले २० लाखको बीमा गर्दा प्रथम बीमा शुल्क बराबर करिब १ लाख ५३ हजार रुपैयाँ यूनियन लाइफमा जम्मा गरेका थिए । बिमित तामाङ्गको गत चैत्रमा असमायिक निधन भएको थियो ।