- अर्थ सरोकार सम्बाददाता
काठमाडौँ । युनियन लाइफ इन्स्योरेन्स र सानिमा लाइफ इन्स्योरेन्सले (आईपीओ) निष्काशन गर्ने भएका छन् । दुवै कम्पनी अनुमतिका लागि नेपाल धितोपत्र बोर्ड पुगेका छन् । दुवै कम्पनीले आईपीओ निष्काशनको अनुमाति माग्दै जेठ ९ गते बोर्डमा आवेदन दिएका हुन् ।
युनियनले हाल कायम जारी पूँजीको ३० प्रतिशत अर्थात ६४ करोड ५० लाख रुपैयाँ बराबरको ६४ लाख ५० हजार कित्ता सेयर निष्काशन गर्न अनुमति माग गरेको छ । आईपीओ निष्काशनपछि यस कम्पनीको चुक्ता पूँजी २ अर्ब १५ करोड रुपैयाँ पुग्नेछ ।
कम्पनी आईपीओलाई रेटिङ्ग एजेन्सी इक्रा नेपाल ‘इक्राएनपि आइआर ट्रिपल बि’ रेटिङ्ग प्रदान गरेको छ। यसले कम्पनीको प्राथमिक शेयरमा गरिएको लगानी मध्यम किसिमको सुरक्षा रहेको र समयमै वित्तीय दायित्व पुरा गर्न सक्ने रहेको जनाउँछ ।
यता सानिमाले ६० करोड रुपैयाँ बराबरको ६० लाख कित्ता सेयर निष्काशन गर्ने बोर्डमा आवेदन दिएको हो । यस कम्पनीले प्रतिकित्ता १०० रुपैयाँका दरले ६० लाख कित्ता अर्थात ६० करोड रुपैयाँ बराबरको आईपीओ निष्काशनको अनुमति माग गरेको हो । त्यसपछि कम्पनीको चुक्ता पूँजी २ अर्ब रुपैयाँ पुग्नेछ ।
कम्पनीले निष्काशन गर्न लागेको आईपीओलाई केयर रेटिङ नेपालले त्रीपल बी माइनस रेटिङ प्रदान गरेको छ । दुबै कम्पनीको सेयर निष्काशन तथा बिक्री प्रबन्धकको काम प्रभु क्यापिटलले गर्नेछ ।
