काठमाडौँ । नेपाल बैंकर्स संघले सर्वोच्च अदालतको अर्को आदेश नआएसम्म सामाजिक सुरक्षा कोषमा नजाने निर्णय गरेको छ । संघको बिहिबार बसेको लिगल कमिटिको बैठकले यस्तो निर्णय गरेको हो ।

अदालतमा विचाराधीन रहेको मुद्दा हेर्ने मिति सरेकोले सो मितिमा अर्को आदेश नआउँदासम्म कोषमा दर्ता हुन नजाने निर्णय गरिएको हो । बैठकमा १२ वटा बैंकका लिगल हेडहरुको उपस्थिति थियो । कोषविरुद्द अदालतमा दायर भएको मुद्दामा हिजो बिहिबार न्यायधीश तेज बहादुर केसी र शुष्मालता माथेमाको संयुक्त इजलाशमा पेशी तोकिएको थियो । तर उक्त रिट हेर्न नभ्याईने भन्दै साउन ५ गतेको लागि अर्को मिति तोकिएको छ ।