- अर्थ सरोकार सम्बाददाता
काठमाडौं । सिबिआईएल क्यापिटल लिमिटेडले आफ्ना सेयरधनीहरुलाई डिम्याट खाता नविकरणको शुल्क बुझाउन आग्रह गरेको छ । सिबिआईएल क्यापिटल लिमिटेडमार्फत डिम्याट खाता खोलेका सम्पूर्ण हितग्राहीहरुलाई आर्थिक वर्ष २०७७/७८ सम्मको डिम्याट खाता सञ्चालन गरे बापत वार्षिक शुल्क बुझाउन आग्रह गरेको हो ।
प्रत्येक आर्थिक वर्ष १०० का दरले भुक्तानी गर्नुपर्ने व्यवस्था अनुसार २०७८ असार मसान्तभित्र उक्त शुल्क बुझाउन आग्रह गरिएको हो । तोकिएको समयमा वार्षिक शुल्क भुक्तानी नगरेमा डिम्याट खाता रोक्का गर्ने कम्पनीले जनाएको छ । हितग्राहीहरुले सिबिआईएल क्यापिटल लिमिटेडको नाममा रहेको सिटिजन्स बैंकको डिल्लीबजार शाखामा रहेको बैंक खातामा (खाता नम्बर ०४८०१००००००५३३०१) भुक्तानी गर्न सक्नेछन् ।
उक्त भौचरको फोटो [email protected] मा पठाउनुपर्नेछ । मेरो सेयर सेवा लिएका हितग्राहीहरुले सो सेवा सञ्चालनमा आएको एक वर्षको अवधिभित्र नविकरण गरी सक्नुपर्ने र सो समयवधिभित्र नविकरण नभएमा उक्त सेवा बन्द हुने समेत क्यापिटलले जनाएको छ ।
