काठमाडौँ । गुराँस लाइफ इन्स्योरेन्सले नयाँ बोनस दर सार्वजनिक गरेको छ । कम्पनीले आर्थिक वर्ष २०७५/७६ को वित्तीय विवरण बीमा समितिबाट असार २८ गते स्वीकृति भए सँगै बीमितलाई दिने नयाँ बोनस दर सार्वजनिक गरेको हो ।

कम्पनीले प्रतिहजार न्यूनतम ४० रुपैयाँदेखि अधिकतम ८१ रुपैयाँसम्म बोनस दर दिने निर्णय गरेको हो । कम्पनीका अनुसार सावधिक जीवन बीमालेख र बालबालिकाको सवाधिक बीमालेखमा बीमा अवधिको आधारमा बीमितले प्रति हजार ४२ रुपैयाँदेखि ७७ रुपैयाँसम्म पाउनेछन् ।

यस्तै कम्पनीको सावधिक तथा आजीवन बीमालेखमा बीमितले प्रति हजार ५१ रुपैयाँदेखि ८१ रुपैयाँसम्म सावधिक बीमालेख अन्तर्गत बीमितले बीमा अवधिअनुसार ४१ रुपैयाँदेखि ५१ रुपैयाँ र गुराँस सुरक्षित भविष्य जीवन बीमालेखमा बीमा अवधि अनुसार बीमितले प्रतिहजार २३ रुपैयाँदेखि ४० रुपैयाँसम्म पाउनेछन् ।