×

Live on

रेडियो अर्थ सरोकार

Listen to live radio.

laxmi sunrise bank

नयाँ सीइओ पाएको ‘लफडेदार’ महालक्ष्मी बिकास बैंकको खुद नाफा ७१ प्रतिशत बढ्यो, अन्य सूचक कस्ता छन् ?

काठमाडौँ । केहि समयअघि मात्र नयाँ सीइओ पाएको र बेला बेला अनेक कारणले विभिन्न लफ’डा आइपर्ने महालक्ष्मी बिकास बैंकले ५१ प्रतिशत नाफा बढाएको छ । बैंकले सार्वजनिक गरेको गत आर्थिक वर्षको चौथो त्रैमाससम्मको अपरिष्कृत वित्तीय विवरण  अनुसार अघिल्लो आर्थिक वर्षको सोही अवधिको तुलनामा बैंकको खुद ब्याज आम्दानी सामान्य बढेको देखिएको छ भने बैंकको  खुद नाफा ७१ प्रतिशत बढेको छ।

कम्प्लाइन्समा निकै कमजोर मानिएको यो बैंकको प्रकाशित विवरण अनुसार गत असार मसान्तसम्ममा बैंकले ७३ करोड २९ लाख रुपैयाँ खुद नाफा आर्जन गरेको छ । अघिल्लो आर्थिक वर्षको तुलनामा गत आर्थिक वर्षमा बैंकको यस्तो नाफा ७१.०२ प्रतिशत बढेको हो। यद्यपी यो नाफा बढ्नुको कारण बैंकको पर्फर्मेन्स राम्रो भएर भन्दा पनि नउठेको ऋण उठेर रहेको बुझिएको छ । त्यसैगरी, बैंकको खुद ब्याज आम्दानी समीक्षा अवधिमा १.५० प्रतिशत मात्र बढेको छ। यसले पनि बैंकको प्रगति खासै गतिलो छैन भन्ने प्रष्ट देखिन्छ ।

बैंकको इम्पेरमेन्ट चार्जमा केही कमी आएका कारण पनि बैंकको नाफा बढेको देखिन्छ । प्रकाशित विवरण अनुसार समीक्षा अवधिमा बैंकको चुक्ता पूँजी ८.८० प्रतिशत बढेको छ भने जगेडा कोष २६.१३ प्रतिशत बढेको छ। त्यस्तै बैंकको निक्षेप गत १ वर्षमा ४.४१ प्रतिशत र कर्जा २.२७ प्रतिशत बढेको छ  । खुद नाफासँगै बैंकको प्रतिशेयर आम्दानी पनि बढेको छ भने समीक्षा अवधिमा बैंकको प्रतिशेयर आम्दानी ७ रुपैयाँ ९८ पैसा बढेको छ  । असार मसान्तसम्ममा बैंकको पीई रेशियो २०.२९ गुणा रहेको छ भने प्रतिशेयर नेटवर्थ १६४ रुपैयाँ ७५ पैसा रहेको छ । यता समीक्षा अवधिमा बैंकको निष्क्रिय कर्जा २.८ प्रतिशतबाट बढेर ३.३२ प्रतिशत पुगेको छ भने आधार दर ९.९५ बाट ७.२८ र स्प्रेड दर ४.३५ बाट ४.५३ पुगेको छ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: