- अर्थ सरोकार सम्बाददाता
काठमाडौं । नेपाल एसबिआई बैंकले डिम्याट खाता नविकरण शुल्क बुझाउन अनुरोध गरेको छ । बैंकले २०७६/७७ सम्म हितग्राही खाता खोलेका खातावालाहरुले हालसम्मको हितग्राही खाता सञ्चालन गरे वापतको वार्षिक शुल्क बुझाउन अनुरोध गरेको हो ।
हितग्राही खाताधनीहरुले असारमसान्तभित्र कनेक्ट आईपीएस, आइएमई रेमिट, ई-सेवा, खल्ती र प्रभु पे मार्फत वा हालसम्म पनि मेरो सेयर सेवा नलिएका हितग्राहीहरुले बैंकको सेयर रजिष्ट्रार नेपाल एसबिआई मर्चेण्ट बैंकिङ वा बैंकको कुनैपनि शाखा कार्यालयमा सम्पर्क राखि उक्त शुल्क बुझाउन सक्नेछन् ।
तोकिएको समयावधि भित्र वार्षिक शुल्क भुक्तानी नगरेमा हितग्राहीहरुको डिम्याट खाता रोक्का हुने क्यापिटलले जनाएको छ । साथै मेरो सेयर सेवा लिएका हितग्राही खाताधनीहरुले सो सेवा सञ्चालनमा आएको एक वर्ष पूरा भए पश्चात मेरो सेयर सेवाको वार्षिक शूल्क ५० बुझाउन समेत बैंकले आग्रह गरेको छ ।
