काठमाडौँ । बैंकिङ कसूरको मुद्दा फरार रहेकी एक प्रतिवादी पक्राउ परेकी छिन् । केन्द्रीय अनुसन्धान ब्यूरोको टोलीले सो मुद्दामा बुढानीलकण्ठ नगरपालिका-४ हात्तीगौडाकी ४५ वर्षीया निता भण्डारीलाई आज पक्राउ गरेको हो ।

उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी मुक्तिनाथ विकास बैंकको चेक दिएर बैंकिङ कसूरजन्य अपराध गरेको ठहर उच्च अदालत पाटनले गरेको हो । उच्च अदालत पाटनको २०७८ साल वैशाख ६ गतेको फैसलाले भण्डारीलाई १० लाख जरिवाना र ४ दिन कैद सुनाएको थियो ।

उनलाई बैंकिङ् कसूर तथा सजाय ऐन २०६४ को दफा ३ (ग) बमोजिमको कसूरमा दफा १५ (१) बमोजिम सजाय हुने गरी फैसला भएको थियो ।