काठमाडौं । कुमारी बैंकले गत आर्थिक वर्षको चौथो त्रैमासको वित्तीय विवरण सार्वजनिक गरेको हो । बैंकले २ अर्ब ११ लाख ४५ हजार रुपैयाँ कमाउन सफल भएको वित्तीय विवरण सार्वजनिक गरेको हो । बैंकको यो नाफा अघिल्लो वर्षको सोहि अवधिको तुलनामा ७२.७३% ले बढी हो । अघिल्लो वर्षको सोहि अवधिमा बैंकले १ अर्ब १५ करोड ८५ लाख ५ हजार रुपैयाँ खुद नाफा कमाएको थियो ।

सार्वजनिक वित्तीय विवरण अनुसार बैंकको अधिकाशं सूचकमा आकर्षक वृद्धि भएको छ । बैंकका अनुसार खुद ब्याज आम्दानी ४६.५६% ले बढेर ५ अर्ब २३ करोड ६९ लाख ५५ हजार रुपैयाँ पुगेको छ भने सञ्चालन नाफा पनि ६९.१५% ले बढेर २ अर्ब ८५ करोड २० लाख ९३ हजार रुपैयाँ पुगेको छ ।

यस्तै बैंकको वितरणयोग्य नाफा पनि ५३.४९% ले बढेर १ अर्ब ९ करोड ४२ लाख ६ हजार रुपैयाँ पुगेको छ । अघिल्लो वर्ष वितरणयोग्य नाफा ७१ करोड २८ लाख ८३ हजार रुपैयाँ थियो । प्रतिसेयर आम्दानी १४ रुपैयाँ ४२ पैसा रहेको यस बैंकको प्रतिसेयर नेटवर्थ १३६ रुपैयाँ ८९ पैसा छ ।