काठमाडौं । महालक्ष्मी विकास बैंक लिमिटेडले ग्राहकहरुलाई मनी ट्रान्सफर सम्बन्धि थप सुविधा प्रदान गर्ने उद्देश्यले ई-सेवा मनी ट्रान्सफर प्रा. लि. सँंग सम्झौता गरेको छ । बैंकले उक्त सम्झौता श्रावण २९ गते शुक्रबार गरेको हो । ई-सेवा मनी ट्रान्सफरका तर्फबाट प्रमुख कार्यकारी अधिकृत अजेश कोइराला र बैंकको तर्फबाट प्रमुख कार्यकारी अधिकृत बोधराज देवकोटाले उक्त सम्झौता पत्रमा हस्ताक्षर गरेका हुन् ।
अब महालक्ष्मी विकास बैंकका ग्राहकहरुले संसारको कुनै पनि स्थानबाट ई-सेवा रेमिट मार्फत सोझै खातामा रकम जम्मा गर्न सक्ने भएका छन् । बैंकले हाल सम्म २४ वटा रेमिट्यान्स कम्पनीहरुसँग सम्झौता गरी ग्राहकहरुलाई रेमिटान्स सुविधा प्रदान गर्दै आईरहेको छ । १०३ वटा शाखाहरुमार्फत बैकिङ कारोवार गर्दै आईरहेको बैंकले आगामी दिनमा बैकिङ सेवालाई अत्याधुनिक प्रविधि मैत्री बनाई ग्राहकहरुलाई थप गुणस्तरीय सेवा प्रदान गर्न प्रतिवद्धता व्यक्त गरेको छ ।
