काठमाडौं । मैलुङ खोला जलविद्युत कम्पनीको आइपीओ बाँडफाँड भएको छ । बिक्री प्रबन्धक सिद्धार्थ क्यापिटलले आज मंगलबार बिहान कम्पनीको आइपीओ बाँडफाँड भएको जनाएको हो । गोलाप्रथामार्फत कुल ६८ हजार ४७४ जनाले कम्पनीको सेयर पाएका छन् ।
जसमध्ये ६८ हजार ४६८ जनाले १० कित्ता र ६ जनाले ११ कित्ताका दरले सेयर पाएका छन् । कम्पनीले सर्वसाधारणलाई ६ लाख ८४ हजार ७४६ कित्ता सेयर बाँडफाँड गरेको हो । कुल २० लाख ६७ हजार ९६७ जनाले आवेदन दिएकामा २ हजार ८४३ जनाको आवेदन रद्द भएको छ । रितपूर्वक आवेदन दिएका २० लाख ६५ हजार १२४ लाई मात्र गोलाप्रथामा सहभागी गराइएको थियो ।
कम्पनीको आइपीओको नतिजा बिक्री प्रबन्धक सिद्धार्थ क्यापिटलको वेबसाइट, मेरो सेयर एकाउन्ट, मैलुङ खोलाको वेबसाइट तथा सीडीएस एन्ड क्लियरिङको वेबसाइट https://iporesult.cdsc.com.np/ बाट पनि रिजल्ट हेर्न सकिन्छ ।
