काठमाडौँ । बैंकिङ कसूरको मुद्दामा फरार रहेका प्रतिवादी पक्राउ परेका छन् । प्रहरीले जिल्ला बाँके नेपालगञ्ज उपमहानगरपालिका वडा नं.-१ का ५६ वर्षीय विनोद कुमार श्रेष्ठलाई आज सोमबार काडाँघारीबाट पक्राउ गरेको हो ।
उच्च अदालत तुलसीपुर नेपालगञ्जले उनलाई २०७७/११/१२ गते बैंकिङ कसूर (चेक बाउन्स) मुद्दामा ७ दिन कैद र २३ लाख ५० हजार जरिवाना ठहर गरेको थियो ।
उनले आफ्नो खातामा पर्याप्त मौज्दात रकम नभएको भन्ने जानी-जानी जाहेरवालालाई झुक्यानमा पारी नबिल बैंकको चेक काटी दिएका थिए । उनलाई फैसला कार्यान्वयनको लागि काठमाडौं जिल्ला अदालतमा पेश गरिएको छ ।
