काठमाडौं । साताको कारोबारको अन्तिम दिन बिहिबार नेप्सेमा दोहोरो अंकको करेक्सन भएको छ । बुधबारको तुलनामा नेप्से परिसूचक १६.०० अंकले घटेर ३१०७.४५ बिन्दुमा पुगेको छ । नेपाल स्टक एक्सचेन्ज (नेप्से) का अनुसार आज कुल २२७ कम्पनीको २ करोड ८८ लाख ४५ हजार ४३१ कित्ता सेयर खरिद बिक्री हुँदा १४ अर्ब ३१ करोडमाथिको कारोबार भएको छ । आज लगानीकर्ताहरु विकास बैंक क्षेत्रमा झुम्मिएका छन् ।
आज सबैभन्दा बढी कारोबार अपर तामाकोशी हाइड्रोपावरको भएको छ । यस कम्पनीको ६४ करोड ६५ लाखमाथिको सेयर कारोबार भएको छ । आज ११ समूह घटेका छन् भने अन्य २ समूह मात्रै बढेका छन् । यस्तै आज सबैभन्दा धेरै नेपाल फाइनान्सका लगानीकर्ताले कमाएका छन् भने युनिभर्सल पावर कम्पनीका लगानीकर्ताले सबैभन्दा धेरै गुमाएका छन् ।
