काठमाडौं । साताको कारोबारको तेस्रो दिन मंगलबार सेयर बजारमा उछाल आएको छ । सोमबारको तुलनामा नेप्से परिसूचक ५१.८६ अंकले बढेर ३१६१.४४ बिन्दुमा पुगेको छ । नेपाल स्टक एक्सचेन्ज (नेप्से)का अनुसार आज कुल २२५ कम्पनीको ३ करोड ३५ लाख ३५ हजार २१३ कित्ता खरिद बिक्री हुँदा १७ अर्ब ८४ करोडमाथिको कारोबार भएको छ । यस्तै आज विकास बैंक समूह सबैभन्दा बढी बढेको छ ।
आज सबैभन्दा बढी कारोबार अपर तामाकोशी हाइड्रोपावर कम्पनीको भएको छ । यस कम्पनीको ८९ करोड ३३ लाखमाथिको सेयर कारोबार भएको छ । आज ३ समूह बाहेकका अन्य सबै समूह बढेका छन् । यस्तै आज सबैभन्दा धेरै सेन्ट्रल फाइनान्स कम्पनीका लगानीकर्ताले कमाएका छन् भने साञ्जेन जलविधुत कम्पनीका लगानीकर्ताले सबै भन्दा बढी गुमाएका छन् ।
