काठमाडौं । नेपाल राष्ट्र बैंकले आज शुक्रबार मौद्रिक नीति सार्वजनिक गर्ने तयारी गरेको छ । सो सम्बन्धमा राष्ट्र बैंकको शुक्रबार बिहान सञ्चालक समितिको बैठक बसेको थियो । सञ्चालक समितिको बैठकले आजै मौद्रिक नीति सार्वजनिक गर्ने निर्णय गरेको हो ।
साउन पहिलो साता नै मौद्रिक नीति सार्वजनिक गर्ने तयारी गरेको राष्ट्र बैंकले असार मसान्तमा नयाँ सरकार गठन भएपछि नयाँ अर्थमन्त्री जनार्दन शर्माले मौद्रिक नीतिको समयलाई पछि सरेका थिए । अर्थमन्त्रीको अनुमति नपाएपछि गभर्नर महाप्रसाद अधिकारी पनि मौद्रिक नीति सार्वजनिक गर्नबाट पछि हटेका थिए ।
