काठमाडौं । साताको कारोबारको पहिलो दिन सोमबार नेप्से १.५४ अंकलेबढेको छ । यस अवधिमा सबैभन्दा बढी कारोबार अरुण भ्याली हाइड्रोपावर कम्पनीको भएको छ । यस कम्पनीको ६७ करोड ४८ लाखमाथिको सेयर कारोबार भएको छ ।

सपछि अपर तामाकोशी, अपि पावर, सिनर्जी पावर, युनाइटेड मोदी हाइड्रोपावर, नेशनल हाइड्रोपावर, आइसीएफसी फाइनान्सलगायतका कम्पनीको सर्वाधिक कारोबार भएको छ । नेपाल स्टक एक्सचेन्ज (नेप्से)का अनुसार आज कुल २२४ कम्पनीको २ करोड ५३ लाख ९३ हजार ६९९ कित्ता खरिद बिक्री हुँदा १४ अर्ब १३ करोडमाथिको कारोबार भएको छ ।