काठमाडौँ । सेयर विश्लेषक अम्बिका पौडेलले विद्युत नियमन आयोगले गरेको संस्थागत लगानीकर्ताको बारेमा गरेको व्यवस्थाप्रति आपत्ति जनाउँदै पुँजी बजारमा किन चौतर्फी आक्रमण भईरहेको छ भन्दै प्रश्न गरेका छन् । उनले आयोगको सो व्यवस्थाप्रति आपत्ति जनाउँदै कस्को हित गर्ने उदेश्यले यस्तो नियम ल्याएको खोजि हुनुपर्ने बताएका छन् ।

आयोगले संगठित संस्थाले आफुसंग भएको सेयर बिक्री गर्नुपरे १५ दिन अगावै सार्वजनिक सूचना जारी गर्नुपर्ने व्यवस्था गरेको थियो । आयोगले ‘विद्युतसम्बन्धी कम्पनीको सेयरको सार्वजनिक निष्कासनको पूर्वस्वीकृति तथा नियमनसम्बन्धी निर्देशिका, २०७८’ स्वीकृत गर्दै यस्तो व्यवस्था गरेको हो ।

आयोगले गरेको सो व्यवस्थाप्रति असन्तुष्टि जनाउँदै पौडेलले भनेका छन् ‘कस्को सल्लाहमा कसरी बन्दछन् यस्ता नियमहरु त्यो त थाहा भएन । यदि कसैले बुझेरै राखेको (जसरी नी बजार घटाउनै पर्छ भन्ने सिद्धान्त) हो भने आजै देखि पुँजी बजारका संस्थागत लगानीकर्ताहरुले कारोवार बन्द गरेकै राम्रो। किन हुँदै छ चौतर्फी आक्रमण पूँजीबजारलाई ? कस्को हित गर्ने उदेश्यले आउछन हाेला यस्ता नियम ? “सस्थागत लगानीकर्ता बिनाको पूँजी बजार मरुभूमिको धान खेती हो”।’