काठमाडौं । महिलालाई ‘अभिकर्ता बनाईदिन्छु’ भन्दै ज्योति लाइफ इन्योरेन्सका कर्मचारीले बलात्कारको प्रयास गरेका छन् । घटना १ वर्ष अघिको अर्थात २०७७ साल असार २१ गतेको भएतापनि यो चौतर्फी बाहिरिएको छ । ज्योति लाइफ इन्योरेन्सको नेपालगञ्ज शाखाका एरिया सेल्स मेनेजर मोहन कुमार माझीले कोहलपुरकी ३९ वर्षिय महिलालाई अभिकर्ताको लाइसेन्सका लागि कागजपत्र लिन बोलाएर बलात्कारको प्रयास गरेका थिए ।
माझीले २१ गते राति घरसम्म पुर्याईदिन्छु भन्दै आफ्नो आफ्नो गाडीमा चढाएका थिए तर उनले ती महिलालाई घर नलगेर जंगल लगेर गाडीभित्रै बलात्कार प्रयास गरेका थिए । यद्यपि ती महिला उम्किन सफल भईन् ।
महिलाले भोली पल्टै माझी कार्यरत कम्पनीकोशाखा र प्रहरीमा उजुरी गरिन् । तर प्रहरीले भने माझीविरुद्ध बलात्कार प्रयास नभएर अभद्र व्यवहारको मुद्धा चलाएको छ । माझी अभद्र व्यवहारको मुद्धामा पक्राउ त परे तर छिट्टै ५ हजार धरौटीमा रिहा भएका थिए । प्रहरीको वेवास्थाका कारण माझीलाई रिहा गरिएको र आफ्नो केसमा प्रहरीले लापरवाही गरेकाले न्याय नपाएको महिला पक्षको आरोप छ ।
