काठमाडौँ । नेपाल स्टक एक्सचेन्जले नेप्सेमा सूचिकृत कम्पनीहरुलाई गरेको वर्गीकरणमा पुनरावलोकन गरेको छ । नेप्सेले पहिले गरेको वर्गीकरणमा ए समूहमा २० वटा वाणिज्य बैंक, २ वटा विकास बैंक, १ फाइनान्स कम्पनी, १ लघुवित्त संस्था र ४ वटा हाइड्रोपावर कम्पनी गरी २८ वटा कम्पनी परेकोमा अहिले थप ३ वाणिज्य बैंक र मुक्तिनाथ विकास बैकलाई पनि ए समूहमा समावेश गरेको हो ।

यस्तै बी समूहमा गुडविल पलाइनान्सलाई र जेड समूहमा ग्रिन डेभलपमेन्ट बैंकलाई समावेश गरेको छ । नेप्सेले वर्गीकरणमा परेका संगठित संस्थाले उल्लेखित समूहमा पर्ने/नपर्ने कारणसहित ३५ दिनभित्र दाबीसहितको आवेदन दिन आग्रह गरेको थियो ।