काठमाडौं । प्राइम कमर्सियल बैंक लिमिटेडले निष्कासन गरेको ८.७५℅ प्राइम डिबेन्चर २०८५ ऋणपत्र नेपाल स्टक एक्सचेञ्ज लिमिटेडमा सूचीकृत भएको छ । प्रति इकाई १०००/- को दरले हुन आउने २ अर्ब ४४ करोड ७९ लाख ६३ हजार रुपैँया बराबरको २४ लाख ४७ हजार ९६३ इकाई डिबेन्चर नेपाल स्टक एक्सचेञ्ज लिमिटेडमा कारोबार हुन सक्ने गरी सूचीकृत भएको हो ।

सो सम्बन्धि बैंक र नेप्सेबीच सम्झौता भएको छ । उक्त सम्झौता पत्रमा नेपाल स्टक एक्सचेञ्ज लिमिटेडको तर्फबाट निमित्त प्रमुख कार्यकारी अधिकृत निरन्जन फुयाल र प्राइम कमर्सियल बैंक लिमिटेडको तर्फबाट प्रमुख कार्यकारी अधिकृत नारायणदास माननधरले हस्ताक्षर गरेका हुन् ।