काठमाडौँ । सर्वोत्तम सिमेन्ट प्रकरणमा गोल्डेन सेयर हात पारेको आरोप लागेका धितोपत्र बोर्डका अध्यक्ष भीष्मराज ढुंगानालाई सरकारले बर्खास्त गरेको छ । मंगलबार बसेको मन्त्रिपरिषद् बैठकलेढुंगानालाई बर्खास्त गर्ने निर्णय गरेको एक मन्त्रीले  पुष्टी गरेका छन् ।

यसअघि नै अर्थमन्त्रालयको निलम्बनमा परेका ढुंगानालाई असोज ११ गतेको मन्त्रिपरिषद् बैठकले स्पष्टीकरण सोधेको थियो । सरकारले उनको स्पष्टीकरण चित्तबुझ्दो नभएको भन्दै बर्खास्तीको निर्णय आज गरेको हो ।