काठमाडौं । सिटिजन्स बैंकले ३९ सय ७६ कित्ता संस्थापक सेयर बिक्री खुला गरेको छ । बैंकका संस्थापक सेयरधनी ऋषि राम पोख्रेलले आफ्नो नाममा रहेको ३९ सय ७६ कित्ता सेयर बिक्रीमा ल्याएका हुन् । सो सेयरमा हाल सिटिजन्सकै संस्थापक सेयरधनीले मात्रै आवेदन दिन पाउनेछन् ।
सो सेयरको न्यूनतम २०४ रुपैयाँ तोकिएको छ । सेयर खरिद गर्न इच्छुक संस्थापकले अब ३५ दिनभित्र सिटिजन्स बैंकको प्रधान कार्यालय नारायणहिटी पिथ काठमाडौंमा निवेदन दिनुपर्नेछ । सो अवधिमा कुनै पनि संस्थापकबाट आवेदन नपरेमा भने सर्वसाधारणलाई बिक्री खुला गरिनेछ ।
