मोरङको धनपालथान गाउँपालिका कर्सियामा रहेको सिटिजन्स बैंकमा रहेको रकम लुटमा संलग्न तीनजनालाई प्रहरीले सार्वजनिक गरेको छ । मोरङका प्रहरी उपरीक्षक जनार्दन जिसीका अनुसार लुटपाटको प्रयासपछि भाग्दै गरेको समूहका तीन सदस्यलाई प्रहरीले पक्राउ गरी सार्वजनिक गरेको हो । प्रहरीका अनुसार पक्राउ पर्नेमा विराटानगर महानगरपालिका–८का ३२ वर्षीय श्याम मुखिया, अररिया सेखपुरा–५ का २८ वर्षीय सुनिल यादव र भारत अररिया–४ का ३० वर्षीय विजय सहनी रहेका छन् । यी मध्ये सहनीको बायाँ तिघ्रामा प्रहरीको गोली लाग्दा उनी ढलेपछी उनी पक्राउ परेका थिए ।
प्रहरीका अनुसार उनीहरुलाई इलाका प्रहरी कार्यालय रंगेलीमा राखिए को छ भने उक्त घटनामा संलग्न अन्य ६ जना व्यक्तिको खोजी भइरहेको छ । पक्राउ परेका उनीहरुको साथबाट घटनास्थलमा प्रयोग भएको पेस्तोल, ३ राउण्ड गोली र नोकिया कम्पनीको मोबाइल १ वटा बरामद गरेको छ ।
अन्य ६ जनालाई प्रहरीले खोजिरहेको छ, तर भेट्टाउन सकेको छैन । बैंकबाट २१ लाख रुपैयाँ चोरी भएको छ, प्रहरीले सयौं कोसिस गर्दा पनि सो रकम भेट्टाउन सकेको छैन ।
