काठमाडौँ । विभिन्न कारणले पाँच फाइनान्स कम्पनीहरु नेपाल राष्ट्र बैंकको कारवाहीमा परेका छन् । गैर स्थलगत सुपरिवेक्षणको क्रममा राष्ट्र बैंकले पाँच वटा फाइनान्स कम्पनीलाई कारवाही गरेको हो । राष्ट्र बैंकको कारवाहीमा समृद्धि फाइनान्स, गुडविल फाइनान्स, ललितपुर फाइनान्स, सिटि एक्सप्रेस फाइनान्स र जानकी फाइनान्स परेका हुन् ।
राष्ट्र बैंकले समृद्धि फाइनान्सलाई अनिवार्य मौज्दात कायम नगरेकोले १ सय ३८ रुपैयाँ, गुडविल फाइनान्सलाई अनिवार्य मौज्दात कायम नगरेकोले २८ सय ७ रुपैयाँ जरिवाना गरेको छ भने ललितपुर फाइनान्सलाई दोस्रो त्रैमासमा सिसिडि कायम नगरेकोले ६४ हजार ५ सय ७२ रुपैयाँ जरिवाना गरेको छ ।
यस्तै विपन्न वर्गको कर्जा पर्याप्त प्रवाह नगरेकोमा ललितपुर फाइनान्सलाई ७ लाख ११ हजार (प्रथम त्रैमास), सिटि एक्सप्रेस फाइनान्सलाई २ लाख ५९ हजार, ललितपुर फाइनान्सलाई ६ लाख ६७ हजार (दोस्रो त्रैमास), जानकी फाइनान्सलाई ३१ लाख ९२ हजार र ललितपुर फाइनान्सलाई ६ लाख ७८ हजार (तेस्रो त्रैमास) जरिवाना गरिएको राष्ट्र बैंकले जनाएको छ ।
