NABIL AD

कृषि विकास बैंकको गुञ्जनगर शाखाको गैरकानुनी धन्दा सतहमा, शाखा प्रमुख शोभाकुमारी दत्त निलम्बनमा (भिडियो)

GARIMA BANK
  • अर्थ सरोकार सम्बाददाता
चितवन । सरकारी स्वामित्वको कृषि विकास बैंक लिमिटेडको रकम घोटाला प्रकरण सतहमा आएको छ । बैंकको चितवनस्थित गुञ्जनगर शाखामा आर्थिक अनियमितता भएको प्रारम्भिक रुपमा पुष्टी भएपछी अहिले शाखा प्रमुख शोभाकुमारी दत्तलाई निलम्बन गरी थप छानविन प्रक्रिया अगाडी बढाइएको छ । ग्राहकलाई ऋण उपलब्ध गराइदिएबापत ग्राहकसँग कमिसन लिने गरेको र गैरकानुनी रूपमा बैंकको पैसा बिनाब्याज ग्राहकलाई सापटी दिई सो रकम मिटर ब्याजमा प्रयोग हुने गरेकोसमेत आरोपउपर थप छानविन प्रक्रिया अगाडी बढेको हो । छानविनका लागि केन्द्रबाट दुई जना र प्रदेशबाट एक गरी तीन जना कर्मचारी खटिएको कृषि बिकास बैंकले जनाएको छ ।
छानविन समितिले गुञ्जनगर शाखामा पुगेर आवश्यक कागजपत्र लिएर काठमाडौँ आइसकेको छ । तत्कालीन प्रमुख निलम्बनमा परेपछि शाखा प्रमुखको जिम्मेवारी बैंकको प्रदेश कार्यालयका कुमार उप्रेतीलाई दिइएको छ । लेखापरिक्षणका क्रममा कैफियत भेटिएपछी शाखा प्रमुखलाई निलम्बन गरिएको र छानविन प्रक्रिया अगाडी बढेको बैंकका केन्द्रीय प्रवक्ता हिमलाल पौड्यालले जानकारी दिएका छन् ।
लेखापरीक्षणका क्रममा बैंककि शाखा प्रबन्धकले ग्राहकको अन्य बैंकमा भएको ऋण चुक्ताका लागि ग्राहकलाई विना ब्याज सापटी दिएको खुलासा भएको थियो । लेखापरीक्षणका क्रममा बैंकको पैसा कर्मचारीको खातामार्फत ग्राहकको खातामा गएको देखिन्छ । जुन नियम विपरितको काम हो । शाखा प्रमुख दत्तले ग्राहकलाई सहुलियतको ऋण उपलब्ध गराएबापत ग्राहकसँग कमिसन लिएको र उनको खातामा अस्वाभाविक रकम पनि देखिएको जानकारीका आधारमा थप अनुसन्धान भईरहेको छ ।

Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal