काठमाडौं । सांग्रिला डेभलपमेन्ट बैंकको लभांश सुरक्षित गर्ने आज बिहिबार अन्तिम दिन रहेको छ । बैंकले शुक्रबार कात्तिक ५ गतेदेखि कात्तिक १६ गतेसम्म बुक क्लोज गर्ने भएकाले आज बिहिबार बैंकको लाभांश सुरक्षित गर्ने अन्तिम दिन रहेको हो ।
बैंकले कात्तिक १६ गते १७औं वार्षिक साधारणसभा बोलाएको छ । बैंकले सभा लैनचौर ब्यांक्वेट लैनचौर, काठमाडौंमा बिहान १० बजे बोलाएको हो । बैंकले गत वर्षको नाफाबाट १०.५२% लाभांश वितरण गर्ने प्रस्ताव सभामा लैजानेछ । सांग्रिलाले १०% बोनस सेयर र कर प्रयोजनका लागि ०.५२% नगद लाभांश वितरण गर्न लागेको हो ।
साथै, अन्य बैंंक तथा वित्तीय संस्थासँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिनेलगायतका प्रस्ताव पनि पेस हुनेछ ।
