काठमाडौँ । विप्लव नेतृत्वको नेपाल कम्युनिस्ट पार्टीले मंगलबार नेपाल बन्दको घोषणा गरेको छ । पेट्रोलियम पद्धार्थमा भएको मूल्यवृद्धि फिर्ताको माग गर्दै पार्टीले मंगलबार नेपाल बन्दको आह्वान गरेको बताएको छ ।
मंगलबारको बन्दमा अस्पताल, एम्बुलेन्स, खानेपानी, तरकारी र दुग्धजन्य पदार्थ, दमकल लगायतका सेवा भने खुल्लै रहनेछन् भने बजार व्यवसाय, स्कुल, कलेज, कलकारखाना, यातायात लगायत अरु सबै क्षेत्र बन्द आव्ह्वान गरिएको नेकपाले जनाएको छ ।
‘सरकारले बैंक तथा वित्तीय संस्थापनि अत्यावश्यक सेवामै राखेको छ । बैंक तथा वित्तीय संस्थाका गाडीहरु चल्न दिने नीति छ कि नदिने नीति छ ?’ अर्थ सरोकारको प्रश्नमा नेकपाका स्थायी समिति सदस्य धर्मेन्द्र बास्तोलाले भने, ‘बैंक तथा वित्तीय संस्थाका गाडी चल्न दिंदैननौं । रोक्छौँ ।
