काठमाडौं । रिलायन्स लाइफ इन्स्योरेन्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा४ करोड १५ लाख रुपैयाँ खुद नाफा आर्जन गरेको छ । यो नाफा गत वर्षको भन्दा ३८.१८ प्रतिशतले धेरै हो ।

गत वर्ष कम्पनीले ३ करोड रुपैयाँ खुद नाफा आर्जत गरेको थियो । यस्तै कम्पनीको खुद बिमा शुल्कमा पनि आकर्षक प्रगति भएको छ । गत वर्ष ४६ करोड ५२ लाख रुपैयाँ खुद बिमा शुल्क आर्जन गरेको कम्पनीले यस वर्ष ५८.१० प्रतिशतले बढाएर ७३ करोड ५५ लाख रुपैयाँ पुर्याएको छ ।

यस्तै कम्पनीले बिमा कोष पनि १ अर्ब ३९ करोड रुपैयाँबाट बढाएर ३ अर्ब २ करोड रुपैयाँ पुर्याएको छ । कम्पनीको जगेडा कोषमा २६ करोड ३४ लाख रुपैयाँ छ भने प्रतिसेयर आम्दानी ७ रुपैयाँ ९२ पैसा (वार्षिक) र प्रतिसेयर नेटवर्थ ११३ रुपैयाँ ९४ पैसा रहेको छ । हाल कम्पनीको चुक्ता पुँजी २ अर्ब १० करोड रुपैयाँ रहेको छ ।