काठमाडौं । एक सातामा वाणिज्य बैंकहरुको निक्षेप संकलन ४ अर्ब रुपैयाँले घटेको छ । नेपाल बैंकर्स संघका अनुसार पुस ९ गतेसम्म वाणिज्य बैंकहरुको निक्षेप घटेर ४२ खर्ब ३५ अर्ब रुपैयाँमा आइपुगेको हो । पुस २ गतेसम्म भने वाणिज्य बैंकहरुको निक्षेप ४२ खर्ब ३९ अर्ब रुपैयाँ रहेको थियो ।

यस अवधिमा बैंकहरुको कर्जा प्रवाह भने ३ अर्ब रुपैयाँले बढेको छ । पुस २ गतेसम्म ४० खर्ब ८५ अर्ब रुपैयाँ रहेको कुल कर्जा लगानी ३ अर्बले बढेर पुस ९ गतेसम्म ४० खर्ब ८८ अर्ब रुपैयाँ पुगेको छ । पुस ९ गतेसम्म वाणिज्य बैंकहरुको सीडी रेसियो ९१.३०% रहेको छ ।