काठमाडौं । नेपालका दुई ठुला वाणिज्य बैंक नबिल बैंक र नेपाल बंगलादेश बैंक मर्ज हुने भएका छन् । यसै साता एमओयु गर्ने तयारीका साथ नबिल बैंकका सञ्चालक उदयकृष्ण उपाध्यायको नेतृत्वमा संयुक्त मर्जर समिति गठन भएको हो ।

सो कमिटीले नबिल बैंकसँग नेपाल बंगलादेश बैंकलाई प्राप्ति तथा एक्विजिसनका लागि सहमतिको प्रयास गर्ने बुझिएको छ । यस्तै सेयर आदानप्रदान अनुपात (स्वाप रेसियो) निर्धारण गर्ने जिम्मा पनि समितिलाई दिएको बताइको छ ।

नेपाल बंगलादेश बैंकमा रहेको आईएफआईसी बैंकको ४१.९१ प्रतिशत सेयर विनोद चौधरीले श्रीमती सारिका चौधरीको नाममा किन्ने भएका छन् । यस्तै बंगलादेशको आईएफआईसी बैंकको स्वामित्वमा रहेको नेपाल बंगलादेश बैंकको ४१.९१ प्रतिशत संस्थापक सेयर चौधरीले खरिद गर्ने भएपछी मर्ज प्रक्रिया अघि बढेको हो ।

जस अनुसार बैंकको ४ करोड २२ लाख ६७ हजार ९११ कित्ता संस्थापक सेयर सारिका चौधरीले खरिद गर्नेछिन् ।