NABIL AD

मुद्दत्ती निक्षेपमा ३ अर्ब ५ करोड लगानी गर्दै नेपाल राष्ट्र बैंक, मंसिर २१ गतेसम्ममा बोलकबोल पेस गर्नुपर्ने !

GARIMA BANK
  • अर्थ सरोकार सम्बाददाता

काठमाडौं । नेपाल राष्ट्र बैंकले ३ अर्ब ५ करोड रुपैयाँ मुद्दत्ती निक्षेपमा लगानी गर्ने भएको छ । बैंकले सो रकम वाणिज्य बैंक, विकास बैंक र फाइनान्स कम्पनीहरुको १ वर्ष अवधिको लागि मुद्दत्ती निक्षेपमा लगानी गर्ने भएको हो । राष्ट्र बैंकका अनुसार ‘क’ वर्गका वाणिज्य बैंकमा २ अर्ब ४४ करोड रुपैयाँ, ‘ख’ वर्गका विकास बैंकहरुमा ४५ करोड ७५ लाख रुपैयाँ र ‘ग’ वर्गका वित्त कम्पनीहरुमा १५ करोड २५ लाख रुपैयाँ गरी कुल ३ अर्ब ५ करोड रुपैयाँ मुद्दत्ती निक्षेपमा लगानी गर्ने भएको हो ।

निक्षेप लिन चाहने बैंक तथा वित्तीय संस्थाहरुले आफुले लिन चाहेको रकम तथा उक्त रकममा प्रदान गर्ने ब्याजदर समेत उल्लेख गरी मंसिर २१ गते ४ बजेसम्ममा बोलकबोल पेश गर्नुपर्नेछ । यो निक्षेप लिनका लागि बैंक तथा वित्तीय संस्था सञ्चालनमा आएको कम्तीमा २ वर्ष पूरा गरेको हुनुपर्नेछ भने राष्ट्र बैंकले तोकेको न्यूनतम पुँजी कोष कायम हुनुपर्नेछ ।

यस्तै निष्कृय कर्जा सापटीको ५ प्रतिशत भन्दा कम हुनुपर्ने, खुद तरल सम्पत्ति स्वदेशी निक्षेपको कम्तीमा २० प्रतिशत वा सो भन्दा बढी रहेको हुनुपर्ने, समस्याग्रस्त घोषणा भएको भए फुकुवा भएको ६ महिना अवधि पूरा भएको तथा सर्वसाधारणको लागि छुट्याइएको सेयर जारी गरिसकेको हुनुपर्नेछ । राष्ट्र बैंकले यो रकम २०७८ पुस १ गतेदेखि २०७९ मंसिर २९ गते सम्मका लागि मुद्दति निक्षेपमा राख्न लागेको हो ।

MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal