काठमाडौं । नेपाल स्टक एक्स्चेन्ज (नेप्से) ले क्लोजिङ प्राइसको फर्मुला परिवर्तन गर्ने भएको छ । सिमित व्यक्तिको समूह मिलेर (एमकेटी) अप्सनबाट सेयर मूल्यमा अत्याधिक चलखेल हुन थालेपछि नेप्सेले क्लोजिङ प्राइसको फर्मुलानै परिवर्तन गर्ने भएको हो ।
नेप्सेले अन्तिम कारोबार मूल्यलाई नभएर अर्कै मूल्यलाई क्लोजिङ प्राइस बनाउने गरी तयारी गरिरहेको छ । सो अप्सनबाट सिमित व्यक्ति वा सिमित समूहले एकै दिन कुनै पनि कम्पनीको सेयर खरिद-बिक्री गर्दा सेयर मूल्य उच्च दरले घटबढ हुने गरेको छ । यद्यपि लिमिट अप्सनबाट भने अर्डर राख्दा २ प्रतिशत मात्रै तलमाथि हुने व्यवस्था थियो ।
नेप्सेले नै मार्केट अप्सनमा एकै दिनमा सेयर मूल्यमा २ प्रतिशत भन्दा बढी घटबढ हुने बताएको छ । यता केहिदिन अघि मात्रै पनि सिमित समूह मिलेर गोर्खाज फाइनान्सको सेयर मुल्यमा एमकेटी अप्सनको प्रयोग गरी एकै कारोबारमा ७ प्रतिशतले मूल्य बढाएको पाइएको थियो ।
पछिल्लो समय एमकेटी अप्सनको प्रयोग गरी सेयर मूल्यमा चलखेल भइरहेको छ । जस कारण नेप्सेले लगानीकर्ताको मारमा नपरुन भनेर क्लोजिङ प्राइसको फर्मुलानै परिवर्तन गर्न लागेको जनाएको छ । क्लोजिङ प्राइस गणनाको सुत्र परिवर्तन गर्दा समस्या केही हदसम्म समाधान हुने बताइएको छ ।
