काठमाडौं । साताको कारोबारको दोस्रो दिन सोमबार नेप्से परिसूचक बढेको छ । आइतबारको तुलनामा नेप्से परिसूचक ३२.२२ अंकले बढेर २५४६.०८ बिन्दुमा पुगेको हो । नेपाल स्टक एक्सचेन्ज (नेप्से) का अनुसार सोमबार कुल २२७ कम्पनीको ९४ लाख ७१ हजार ३११ कित्ता सेयर खरिद बिक्री हुँदा ४ अर्ब ५४ करोडमाथिको सेयर कारोबार भएको छ । आज सबैभन्दा बढी कारोबार नबिल बैंकको भएको छ । यस कम्पनीको १७ करोड १५ लाख ९३ हजार १२८ रुपैयाँ बराबरको सेयर कारोबार भएको हो । आज सबै उपसमूहका उप-परिसूचक बढेका छन् ।

यसैगरी सोमबारको सेयर बजारमा मेरो माइक्रोफाइनान्स लघुवित्त वित्तीय संस्थाका लगानीकर्ताले मनग्य पैसा छापेका छन् । यसकम्पनीको सेयर मूल्यमा पोजेटिभ सर्किट लागेको हो । यस अलावा एक्सेल डेभलपमेन्ट बैंक, साहस उर्जा कम्पनी, महुली सामुदायिक लघुवित्त वित्तीय संस्था, बोटलर्स नेपाल, घलेम्दी हाईड्रोका लगानीकर्ता पनि मालामाल भएका छन् । हेर्नुहोस् सोमबार सबैभन्दा बढी नाफा गर्ने कम्पनीहरुको सूचीः

यस्तै सोमबारको सेयर बजारमा जनउत्थान सामुदायिक लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ६ प्रतिशतभन्दा बढीले घटेको हो । जनउत्थानको सेयरमा यस्तो गिरावट आउँदा न्यादी हाईड्रोपावर, राष्ट्रिय बिमा कम्पनीको प्रमोटर सेयर, युनिलिभर नेपाल, एनएमबि ५० मा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने टप १० कम्पनीहरुको सूचीः

यसैबीच सोमबारको बजारमा सबैभन्दा बढी कारोबार नबिल बैंकको भएको छ । यस कम्पनीको १७ करोड १५ लाख ९३ हजार १२८ रुपैयाँ बराबरको सेयर कारोबार भएको हो । यस अलावा नेशनल हाईड्रोपावर कम्पनी, हिमालयन डिस्टिलरी, महालक्ष्मी विकास बैंक, अपि पावर कम्पनी, नेपाल बैंक, अरुण भ्याली हाईड्रोपावर डेभलपमेन्ट कम्पनी, अरुण काबेली पावर, अपर तामाकोशी हाईड्रोपावर कम्पनीको पनि अत्याधिक कारोबार भएको छ । हेर्नुहोस् सोमबार सेयर बजारमा सर्वाधिक कारोबार हुने कम्पनीहरुको सूचीः